Veldu máltíðina þína. Kjötið kemur hrátt og tilbúið í ofninn, meðlætið og sósan eru tilbúin í réttum skömmtum.

Hamborgarhryggur

Allt í jólamatinn – kjöt, meðlæti og sósa í réttum skömmtum.

HamborgarhryggurGljáiBrúnaðar kartöflurRauðkálGrænar baunirWaldorf-salatRauðvínssósa

Kjötið

Setjið hrygginn í stóran pott og hellið köldu vatni yfir svo fljóti yfir hann.
Látið suðuna koma upp, lækkið hitann og látið malla undir loki í um 40 mín. á hvert kíló.
Hitið ofninn í 200 °C. Takið hrygginn upp úr, leggið í eldfast mót og penslið gljáanum yfir.
Bakið í 15–20 mín. þar til gljáinn er gylltur. Kjarnhiti á að ná minnst 68 °C.
Látið hvíla í 10 mín. áður en skorið er.

Meðlætið

Brúnaðar kartöflur: Hitið á pönnu við meðalhita í 6–8 mín. og hrærið varlega.
Rauðkál: Hitið í potti við vægan hita í 5–8 mín.
Grænar baunir: Hitið í potti eða örbylgjuofni í 2–3 mín.
Waldorf-salat: Borið fram kalt, beint úr kæli.
Rauðvínssósa: Hitið rólega í potti og hrærið. Látið ekki bullsjóða.

Tímalínan

2 klst. fyrir mat: Hryggurinn í pottinn.
30 mín. fyrir: Ofninn á 200 °C, gljáinn á hrygginn.
15 mín. fyrir: Meðlætið hitað.
Við borðið: Hryggurinn hvílir í 10 mín. og er skorinn.

Gott ráð: Notið kjöthitamæli. Geymið allt í kæli (0–4 °C) fram að eldun.
Pantaðir þú súpu? Hellið í pott og hitið rólega að suðu við meðalhita, hrærið reglulega. Um 5–8 mín. fyrir 1 lítra.

Hangikjöt

Allt í jólamatinn – kjöt, meðlæti og sósa í réttum skömmtum.

HangikjötKartöflurUppstúfurRauðkálGrænar baunirLaufabrauð

Kjötið

Setjið kjötið í stóran pott og hellið köldu vatni yfir.
Látið suðuna koma hægt upp og fleytið froðuna ofan af.
Lækkið hitann og látið malla undir loki í um 45 mín. á hvert kíló. Vatnið á rétt að hreyfast.
Slökkvið undir og látið kjötið standa í soðinu í 20–30 mín. Kjarnhiti minnst 70 °C.
Skerið í þunnar sneiðar. Á að bera það fram kalt? Látið það kólna í soðinu og geymið í kæli.

Meðlætið

Kartöflur: Hitið í uppstúfnum eða í potti með smá vatni í 5–8 mín.
Uppstúfur: Hitið rólega í potti og hrærið stöðugt. Þynnið með smá mjólk ef þarf.
Rauðkál: Hitið í potti við vægan hita í 5–8 mín.
Grænar baunir: Hitið í potti eða örbylgjuofni í 2–3 mín.
Laufabrauð: Tilbúið á borðið.

Tímalínan

2 klst. fyrir mat: Kjötið í pottinn.
30 mín. fyrir: Slökkt undir, kjötið stendur í soðinu.
15 mín. fyrir: Meðlætið hitað.
Við borðið: Kjötið skorið í þunnar sneiðar.

Kalkúnn

Allt í jólamatinn – kjöt, meðlæti og sósa í réttum skömmtum.

KalkúnabringaFyllingSætkartöflumúsGljáðar gulræturWaldorf-salatTrönuberjasultaSósa

Kjötið

Takið bringuna úr kæli 30 mín. áður og hitið ofninn í 180 °C.
Leggið bringuna í eldfast mót.
Steikið í 60–80 mín., eða þar til kjarnhiti nær 72 °C í þykkasta hlutanum.
Ausið safanum yfir bringuna nokkrum sinnum á meðan.
Breiðið álpappír yfir og látið hvíla í 15 mín. áður en skorið er.

Meðlætið

Fylling: Í eldföstu móti í ofninum, 180 °C í 25–30 mín.
Sætkartöflumús: Hitið í potti við vægan hita eða í ofninum í 20 mín.
Gljáðar gulrætur: Á pönnu í 5–7 mín. eða í ofninum í 10 mín.
Waldorf-salat: Borið fram kalt, beint úr kæli.
Trönuberjasulta: Borin fram köld.
Sósa: Hitið rólega í potti og hrærið. Látið ekki bullsjóða.

Tímalínan

1½ klst. fyrir mat: Ofninn á 180 °C, bringan úr kæli.
1 klst. fyrir: Bringan inn í ofninn.
30 mín. fyrir: Fyllingin inn í ofninn.
15 mín. fyrir: Bringan hvílir, meðlætið hitað.

Lamb

Allt í jólamatinn – kjöt, meðlæti og sósa í réttum skömmtum.

LambakjötKartöflugratínRótargrænmetiStrengjabaunirSósa að eigin vali

Kjötið

Takið kjötið úr kæli 30 mín. áður. Hitið ofninn í 180 °C.
Skerið grunnar rákir í fituröndina og kryddið með salti og pipar.
Brúnið á heitri pönnu, fituhliðina fyrst í 3–4 mín. og svo hinar hliðarnar.
Setjið í ofninn í 10–15 mín., þar til kjarnhiti nær 56–58 °C (bleikt) eða 62 °C (meðal).
Látið hvíla í 8–10 mín. og skerið í sneiðar.

Meðlætið

Kartöflugratín: Ofn 180 °C í 25–30 mín. Álpappír yfir fyrstu 15 mín.
Rótargrænmeti: Setjið inn í ofninn með gratíninu síðustu 15 mín.
Strengjabaunir: Á pönnu með smjörklípu í 3–4 mín.
Sósa: Hitið rólega í potti og hrærið. Látið ekki bullsjóða.

Tímalínan

1 klst. fyrir mat: Ofninn á 180 °C, kjötið úr kæli.
40 mín. fyrir: Gratínið inn í ofninn.
25 mín. fyrir: Kjötið brúnað og sett inn, rótargrænmetið með.
10 mín. fyrir: Kjötið hvílir, baunir og sósa hituð.

Naut

Allt í jólamatinn – kjöt, meðlæti og sósa í réttum skömmtum.

NautalundKartöflugratínRótargrænmetiBroccoliniSósa að eigin vali

Kjötið

Takið kjötið úr kæli 45 mín. áður. Hitið ofninn í 180 °C.
Kryddið með salti og pipar.
Brúnið vel á öllum hliðum á heitri pönnu, 1–2 mín. á hverja hlið.
Setjið í ofninn í 15–25 mín. eftir þykkt, þar til kjarnhiti nær 52–54 °C (rautt) eða 56–58 °C (meðal).
Látið hvíla í 10 mín. Hitinn hækkar um 2–3 °C á meðan.

Meðlætið

Kartöflugratín: Ofn 180 °C í 25–30 mín. Álpappír yfir fyrstu 15 mín.
Rótargrænmeti: Setjið inn í ofninn með gratíninu síðustu 15 mín.
Broccolini: Á pönnu með smjörklípu í 3–4 mín.
Sósa: Hitið rólega í potti og hrærið. Látið ekki bullsjóða.

Tímalínan

1 klst. fyrir mat: Ofninn á 180 °C, kjötið úr kæli.
40 mín. fyrir: Gratínið inn í ofninn.
30 mín. fyrir: Kjötið brúnað og sett inn, rótargrænmetið með.
10 mín. fyrir: Kjötið hvílir, broccolini og sósa hituð.

Wellington

Allt í jólamatinn – kjöt, meðlæti og sósa í réttum skömmtum.

Beef Wellington, tilbúin í ofninnKartöflugratínRótargrænmetiRauðvínssósa

Kjötið

Takið Wellington úr kæli 30 mín. áður. Hitið ofninn í 200 °C (blástur 190 °C).
Leggið á bökunarpappír á ofnplötu, sauminn niður.
Bakið í 30–40 mín., þar til deigið er gyllt og kjarnhiti nær 52–54 °C (rautt) eða 56 °C (meðal).
Látið hvíla í 10 mín. áður en skorið er.
Skerið í þykkar sneiðar með beittum hníf.

Meðlætið

Kartöflugratín: Inn í ofninn með Wellington, álpappír yfir fyrstu 15 mín. Um 25–30 mín.
Rótargrænmeti: Inn í ofninn síðustu 15 mín.
Rauðvínssósa: Hitið rólega í potti og hrærið. Látið ekki bullsjóða.

Tímalínan

1 klst. fyrir mat: Wellington úr kæli, ofninn á 200 °C.
45 mín. fyrir: Wellington og gratínið inn í ofninn.
20 mín. fyrir: Rótargrænmetið inn.
10 mín. fyrir: Wellington hvílir, sósan hituð.

Spurningar? Hringdu í 571 7005 eða sendu á njotum@njotum.is. Gleðileg jól!